Tan só o 1,9 por cento da
produción editorial realizada no Estado en 2010 estaba en idioma
galego. O dato é superior ao do éuscaro, que representa o 1,1 por cento dos títulos, pero fica moi afastado respecto ao catalán, no que están escritos máis do 10 por cento dos volumes que saen do prelo en España. Ademais, en relación a 2009, a produción en lingua galega caeu un 21 por cento, segundo os datos difundidos polo Instituto Nacional de Estatística. De entre todos os libros en galego, case a metade, o 48 por cento, eran obras literarias; o 15 por cento, publicacións para nenos; e un 19 por cento pertencían á categoría de publicacións oficiais, a porcentaxe máis elevada entre todas as linguas oficiais.
Máis información:
